«Սեբաստացիներ» մանկական երգչախումբ

«Մխիթար Սեբաստացի» կրթահամալիր


Оставьте комментарий

Լիլիթ և Եվա Ալեքսանյանների տպավորությունները երաժշտա — ծիսական ճամբարից

img_0022

«Անձրևաբեր ծեսը «Մխիթար Սեբաստացի» կրթահամալիրում» նախագծով «Սեբաստացիներ» մանկական երգչախմբի 4 փոքրիկ երգիչներ նախագծային խմբի հետ մեկնեցին Սևան, որտեղ խաղացին և իրականացրեցին ծեսը: Իրենց տպավորություններն են ներկայացնում Լիլիթ և Եվա Ալեքսանյանները:

Լիլիթ Ալեքսանյան — 7 տարեկան

Երկու տարի առաջ տատիկիս հետ եկանք Սևան, ես անձրևաբեր Նուրին էի: Ջուրը կապույտ էր, շա՜տ մաքուր էր, մենք լողանում էինք: Հիմա չէինք կարողանում լողանալ, որովհետև ջուրը կանաչ էր, բայց շատ ուրախ էր, ես լավ ընկերներ ունեի: Մենք օգնում էինք մեծերին, հավաքում էինք աղբը, ամեն ուտելուց հետո լվանում էինք մեր ափսեները: Պատրաստեցինք Նուրիի, Պուպլատիկինի ու Բուկլե Բարանի տիկնիկներ, սովորեցինք երգերը: Այս անգամ Պուպլատիկինը ես էի, իսկ Եվան Նուրին էր: Եվան իմ քույրիկն է, շատ լավ է երգում, բայց շուտ խռովում է: Ես ու Եվան երգում ենք տատիկիս երգչախմբում, մեր երգչախմբից երկու քույրիկներ կային՝ Անին ու Նարեն: Ամբողջ օրը մենք խաղում էինք իրար հետ: Մեծ տղաներ ու աղջիկներ կային, իրենք ինձ սիրում էին, խաղում էին ինձ հետ:  Մենք խաղացինք Նուրին ու Պուպլատիկինը, մտանք ջրի մեջ ու ջրի հետ խաղացինք, մի քիչ լողացանք ու դուրս ելանք: Ես էլի եմ ուզում Սևան գալ, այստեղ շա՜տ ուրախ է: Հետաքրքիր էր, որ ջուրը համ կանաչ էր դառնում, համ՝ կապույտ:

Եվա Ալեքսանյան — 5 տարեկան

Որ ես գնացել էի Սևան, տեսել էի գոռտ (գորտ) ու քամելիոն ավազի մեջ: Էդ ոնց է լինում, որ մի տեղ կանգնում է, գույն է լինում իրան: Գորտերը շատ լավն էին, գորտերը որտև (որովհետև) ոչ մեկին չէին կծում: Էնտեղ լավ էր, ավազով խաղում էինք, ամենալավը բահն էր, ես իրանով ավազ էի փորում: Լավ էր, որ քնում էինք պալատկայի (վրանի) մեջ, ես մտնում էի քնապարկի մեջ, շատ տաք էր, ես չէի մրսում: Ինձի դուր էկավ, որ ես Նուրին էի ու հագել էի մամայիս կարած շորը: Համ էլ լավ էր, որ կերանք գրեչկա ու սասիսկի (նրբերշիկ), ու ես ափսե էի լվանում: Էնտեղ լավ էր, որ ես խաղում էի Լիլիթի հետ, մեկ էլ քուրիկների հետ: Ու մեկ էլ դուրըս գալիս էր (ինձ դուր էր գալիս), որ ջրի մեջ փայտի վրա սարքած (պատրաստած) էն տիկնիկներն էինք գցում ու ջրին ծափ էինք տալիս ու էս կողմ էինք գցում ջուրը, անձրև էինք անում:

Реклама


Оставьте комментарий

Ազգային օպերա. ուսուցման բովանդակություն, մեթոդ, միջավայր

20190514_144020

Ազգային ծեսերից յուրաքանչյուրը մի երաժշտաթատերական ներկայացում է, որը սկսվում է եկեղեցուց և ավարտվում համայնքային տոնախմբությամբ, որտեղ ծավալվում են հետաքրքիր գործողություններ, դրանցից ոմանք զարգանում, որոշակի ընթացք են ստանում, երբեմն էլ՝ հանգուցալուծվում ու հետաքրքիր լուծում գտնում: Էլ չենք ասում, որ գործողություններից, հարաբերություններից շատերն էլ ուղեկցվում են երաժշտական նյութի կատարմամբ: Ինչո՞վ օպերա չի…
Առաջինը, որ անմիջապես որոշվեց, նյութն էր՝ օպերայի հիմքում  Համբարձման ծեսն  է լինելու: Ինչու՞… դուք պատկերացրեք՝ ինչ սրտատրոփ սպասում կա մասնակիցներից յուրաքանչյուրի սրտում բախտագուշակության խաղիկները լսելիս կամ հատուկ այդ օրվա համար կազմված ապագան կանխատեսող գրքից ընտրած որոշող հատվածը կարդալիս: Իսկ ինչ բարեխղճությամբ ու սիրով են պատրաստվում երիտասարդ աղջիկներն այս ծեսին՝ յոթ աղբյուրից ջուր, յոթ քար, յոթ տարբեր ծաղիկներ են հավաքում, Վիճակի կամ Արուսի (հարսի) տիկնիկ, ծաղկեպսակներ, ծաղկեփնջեր պատրաստում: Նրանցից հետ չեն մնում տղաները, որոնք ծաղիկներով զարդարում են եզին կամ ղոչին (արու ոչխար):

Խորհրդակցելով Արթուր Շահնազարյանի, Մարիաննա Տիգրանյանի, Մարիետ Սիմոնյանի, Քնարիկ Ներսիսյանի հետ, ուսումնասիրեցինք թեմային համապատասխան նյութեր, առանձնացրինք այն հատվածները, որոնց հիման վրա կառուցվելու էր լիբրետոն: Կատարվեց ազգային, ծիսական երաժշտական նյութերի ընտրություն: Կազմվեց նախագիծ, ըստ որի մասնակիցներն են՝
1. Քոլեջի «Խորոտ» երգչախումբը,
2. «Սեբաստիո» ազգային նվագարանների համույթը,
3. «Դասարանական երգչախմբերի համագործակցությունը՝ խմբերգային բազմաձայն համատեղ երգեցողության արդյունավետ միջոց»  նախագծով՝ «Սեբաստացիներ» մանկական,  Հարավային (երաժշտության դասավանդող՝ Մարիամ Մնացականյան) և Միջին (երաժշտության դասավանդող՝ Հասմիկ Մելքոնյան) դպրոցների հանրակրթական երգչախմբերը: Դեկտեմբերին այդ նախագծով  «Գեղարվեստը կրթահամալիրում» ամենամյա հաշվետու համերգին  «Սեբաստացիներ» մանկական երգչախումբը ներկայացավ  «Էրթանք սարերը սեյրան», «Հո՛պ, չըկըչըկ» ազգային երգերի բազմաձայն մշակված տարբերակի կատարմամբ՝ կրթահամալիրի կրտսեր դպրոցների հանրակրթական 4 երգչախմբերի հետ: Այս անգամ ներառվեցին Միջին և Հարավային դպրոցների հանրակրթական երգչախմբերը: Հանրակրթական խմբերգության նախագծային աշխատանքի այս առաջարկը յուրաքանչյուր երաժիշտ մասնագետի հնարավորություն է տալիս հանդես գալ որպես նախաձեռնող՝ իր երգչախմբի շուրջ հավաքելով մյուս հանրակրթական երգչախմբերին` իրականացնել բազմաձայն երգեցողություն:

Ծեսի ազգային ծիսական երաժշտական նյութերի աղբյուրները

Առաջինը կնշեմ   «Կոմիտասի գրառած երգերի վերականգնում, կատարում» նախագիծը, որի իրականացման արդյունքում Համբարձման ծիսական երգերից ներառվեցին «Վիճակի երգ», «Հե՜յ, գյուլ եմ», իսկ պարերգերից՝ «Աման, աման, Դերիկո յար», «Աբարանը քարոտ ա», «Ախ, լոթի Մարան», «Լեզուս չի խոսում, լալ եմ», «Կաքավն էկավ», «Սարեն կուգաս», «Ծառի տակին կար կանեմ», իմ հետազոտական  աշխատանքի արդյունքում, ինչպես նաև անձնական երգացանկից՝ Շիրակի մարզի տարբերակ՝ «Վիճակի երգ», Արագածոտնի մարզի Երնջատափ գյուղի Մագթաղ տատի երգած «Վիճակի երգ»-ի նոր տարբերակ: Կրթահամալիրի երաժշտության ծրագրային երգերից էլ ներառվեց «Վիճակի երգ»-ը («Կաքավիկ» երգարան):

Առանձնացված նյութերի հիման վրա ստեղծվեց ազգային օպերայի լիբրետոն:  Սովորողներն ուսումնասիրեցին ծեսը, դիտեցին իրականացված ծեսեր, նրանց  ուսուցանվեց բանավոր և երաժշտական նյութը, հանրակրթական երգչախմբերը յուրացրեցին իրենց ձայնամասերը: Լիբրետոն՝ նյութերի հետ համացանցով հասանելի էր բոլորին: Առավոտյան ընդհանուր պարապմունքներին ուսուցանվում, կատարվում էին ծիսական երգերը, պարերգերը, պարերը: Լինելով կապի մեջ Հարավային և Միջին դպրոցների երաժշտության դասավանդողներ Մարիամ Մնացականյանի և Հասմիկ Մելքոնյանի հետ, յուրացրեցինք պարտիտուրայի ձայնամասերը : Կատարվեցին միացյալ փորձեր, որի ընթացքում խմբավար երաժիշտներից յուրաքանչյուրը որոշեց իր և խմբի անելիքը ներկայացման ժամանակ:

Քոլեջի «Խորոտ» երգչախմբի հետ աշխատանքը հետաքրքիր ու ստեղծական էր, ուսանողներն ունեին իրենց առաջարկները, փոփոխության տարբերակները: Վերջին օրերին լիբրետոն անընդհատ փոփոխության էր ենթարկվում՝ ավելանում, դուրս էր մնում հատված, երգ, պար, ծիսական գործողություն: Հարկավոր էր ստեղծել կենդանի անմիջական ազատ միջավայր, որտեղ գործողությունները առվակի նման կհոսեն, ազգային անկեղծ խնդությամբ կվարակեն ունկնդրին՝ նրան սահուն ու աննկատ դարձնելով մեր ազգային ծիսական օպերայի կարևոր մասնակից:

Մեր ազգային օպերան սկսվում է հացթխիկի մանկական խաղիկներով, խաղերգ-պարերգերով, որի շարունակությունը ժողովրդական ուրախությունն է՝ նախապատրաստում քրիստոնեայի համար շատ կարևոր Համբարձման ծիսական արարողակարգին: Ծաղկահավաք է, աղջիկները կժի մեջ յոթ աղբյուրից ջուր են լցնում, յոթ տարբեր ծաղիկներ, յոթ քար հավաքում, պատրաստում ծաղկամայր, ծաղկեպսակներ, ծաղկեփնջեր, դնում «աստղունք»: Այս ամենն ուղեկցվում է համապատասխան ծիսական երգով, պարով, բանավոր տեքստով: «Առավոտյան» աղջիկները կատարում են շրջայց տներով, գովում յուրաքանչյուր տան երեխաներից մեկին, տալիս ծաղկեփունջ, «աստղունք» դրած ջրից, փոխարենը ստանում նվեր: Յուրաքանչյուր տան անդամ որևէ իր է գցում կժի մեջ: Երգ ու պարով «գնում են բախտագուշակության», որը ծիսական գործողության այս փուլում ներկայացվել է որպես բարեմաղթանքների ու օրհնանքների հղում: Ավարտում ենք ազգային «Յալլի» մասսայական պարխաղով:

Բնական է, որ կան հաջողված, վրիպած, ավել, սխալ կատարված գործողություններ: Ինչու է բնական, դե, կյանքն է այդպիսին, եթե փորձում ենք լինել անկեղծ, ուրեմն ազատություն տալն էլ ակնկալում է կյանքի բնականությունը՝ իր ճիշտ ու սխալով: Ազգային միջավայրն էլ նույն կյանքն է, ու հղկել բոլոր գործողությունները բեմական մտածողությամբ չարվեց, թող յուրացնեն այն ճանապարհով, որով անցնում ու յուրացնում է յուրաքանչյուրը:

Մայիսի 10-ին և 14-ին մեր միասնութունը, ամբողջականությունը ունկնդրի հետ ակնհայտ էր: Ազգայինի մեջ կա թաքնված, միևնույն ժամանակ կարևոր միավորող, հառնեցնող մեծ ուժ, մենք էլ զորավոր ենք այդ ուժով:

Նախագիծն իր մեջ ներառում է նաև

Նախագիծ՝ «Ծեսը՝ ուսումնական գործընթացի կազմակերպման արդյունավետ միջոց»

Նախագիծ՝ «Դասարանական երգչախմբեր»  նախագծերը:


Оставьте комментарий

«Ազգային օպերա՝ Համբարձում» նախագիծ

«Ազգային օպերա՝ Համբարձում» նախագծով՝ մանկական հանրակրթական երգչախմբերի հատվածի կատարումը

«Ազգային օպերա՝ Համբարձում» նախագծի մասնակիցներն են՝
Քոլեջի «Խորոտ» երգչախումբը,
«Սեբաստիո» ազգային նվագարանների համույթը,
«Դասարանական երգչախմբերի համագործակցությունը՝ խմբերգային բազմաձայն համատեղ երգեցողության արդյունավետ միջոց»  նախագծով՝ «Սեբաստացիներ» մանկական,  Հարավային (երաժշտության դասավանդող՝ Մարիամ Մնացականյան) և Միջին (երաժշտության դասավանդող՝ Հասմիկ Մելքոնյան) դպրոցների հանրակրթական երգչախմբերը: Դեկտեմբերին այդ նախագծով  «Գեղարվեստը կրթահամալիրում» ամենամյա հաշվետու համերգին  «Սեբաստացիներ» մանկական երգչախումբը ներկայացավ  «Էրթանք սարերը սեյրան», «Հո՛պ, չըկըչըկ» ազգային երգերի բազմաձայն մշակված տարբերակի կատարմամբ՝ կրթահամալիրի կրտսեր դպրոցների հանրակրթական 4 երգչախմբերի հետ: Այս անգամ ներառվեցին Միջին և Հարավային դպրոցների հանրակրթական երգչախմբերը: Հանրակրթական խմբերգության նախագծային աշխատանքի այս առաջարկը յուրաքանչյուր երաժիշտ մասնագետի հնարավորություն է տալիս հանդես գալ որպես նախաձեռնող՝ իր երգչախմբի շուրջ հավաքելով մյուս հանրակրթական երգչախմբերին՝ իրականացնել բազմաձայն երգեցողություն:


Оставьте комментарий

Նախագիծ. «Դասարանական երգչախմբերի համագործակցությունը՝ խմբերգային բազմաձայն համատեղ երգեցողության արդյունավետ միջոց»

DSC_916806

Նախագիծ. «Դասարանական երգչախմբերի համագործակցությունը՝ խմբերգային բազմաձայն համատեղ երգեցողության արդյունավետ միջոց»

«Սեբաստացիներ» մանկական երգչախումբը, լինելով նախաձեռնող կողմ, իր ձայների շուրջն է հավաքում կրտսեր, միջին դպրոցների հանրակրթական դասարանական, դպրոցական երգչախմբերի ենթաձայներին:

Նպատակ

Համագործակցելով Կրտսեր, Միջին դպրոցների երաժշտության դասավանդողների հետ, իրականացնել հանրակրթական դասարանական, դպրոցական երգչախմբերի բազմաձայն համատեղ երգեցողություն:

Խնդիրներ

  • կազմել պարտիտուրա
  • բաժանել ձայնամասերն՝ ըստ դպրոցների
  • երաժիշտ դասավանդողների հետ աշխատել երգող խմբերի հետ
  • կատարել մասնակի, ապա՝ ընդհանուր փորձեր

Ընթացք

Ընտրել ընդհանուր թեմային համապատասխան ազգային երգեր, խաղերգեր, աշխատանքային երգեր: Բազմաձայնեցնել՝ ստեղծելով ազգային երգին համապատասխան ձայնամասերով եռաձայն պարտիտուրա: Քննարկելով երաժշտության դասավանդողների հետ, անհրաժեշտության դեպքում կատարել փոփոխություն, ապա նրանց տրամադրել պարտիտուրան, երգերի խոսքերը: Յուրաքանչյուր երգեցիկ խումբ յուրացնում է իր ձայնամասը (ձայնամասերը), կատարվում են համատեղ փորձեր, որոնց ընթացքում հանրակրթական երգչախմբերը

  • ձեռք են բերում բազմաձայն երգեցողության ունակություն, հմտություն,
  • անսամբլային կատարման յուրացում, տիրապետում

Արդյունք

Վերջնարդյունքը ներկայացվում է միացյալ կատարումով՝ նախագծային երաժշտական ներկայացման տեսքով:


Оставьте комментарий

Նախագիծ. «Երգչախումբը՝ երաժշտական ունակությունների զարգացման միջավայր»

Երգչախմբի 2018 — 2019 ուստարվա ծրագիր

DSC_922315

«Սեբաստացիներ» մանկական երգչախումբ

Պարապմունքներ՝ երկուշաբթի, հինգշաբթի — ժամը 15:30, շաբաթ՝ ժամը 13:00

Խումբը կազմված է ինչպես կրթահամալիրի, այնպես էլ` այլ դպրոցների տարատարիք սովորողներից:

Երգչախումբն անցնում է այլընտրանքային համագործակցային կազմակերպման (նախագծային) հետևյալ երաժշտախմբերի և մասնագետների հետ.

Համագործակցության խնդիրները՝

  • ուսումնական ազգային երաժշտաթատերական ներկայացում «Հոպ, չըկըչըկ»
  • Կոմիտասի գրառած, այլ չկատարված ազգային երգերի բազմաձայն մշակումների համատեղ կատարում
  • «Հայ վրացական կամուրջներ» նախագծով վրացական երգերի ուսուցում, կատարում

Համագործակցող խմբերի ղեկավարների հետ

  • նյութերի ընտրություն
  • համատեղ փորձերի օրերի, ժամերի հստակեցում

Համագործակցության արդյունքում

  • հետաքրքրություն երաժշտական գործիքների նկատմամբ,
  • երգչական ձայնի և նվագարանի հարաբերակցություն
  • թատերական արվեստի և երգարվեստի հարմոնիկ հարաբերակցություն
  • ձեռք բերած մասնագիտական կարողությունների, հմտությունների իրացում համագործակցող երաժշտախմբերի հետ
  • թատրոնի  մշակույթի ձևավորում, հանդիսատեսի դաստիարակում
  • բարդույթներից ազատագրում
  • գեղեցիկ, անսխալ, խմբային խոսքի մշակում
  • գեղարվեստական մտածողության ձևավորում և զարգացում
  • մթնոլորտ,  խաղ
  • մթնոլորտը  կապող միջոց դերասանի և հանդիսականի համար
  • որոշակի երանգավորումով  երաժշտական, ռիթմիկ գործողություններ
  • իմպրովիզացիան որպես փորձեր վարելու եղանակ

Նախագիծ. «Երգչախումբը՝ երաժշտական ունակությունների զարգացման միջավայր»

  1. Նպատակը.

Սովորողի ներդաշնակ հոգևոր զարգացում երաժշտության միջոցով:

2. Խնդիրները.

  • անսամբլային կատարման և մտածողության արվեստի յուրացում և տիրապետում
  • երաժշտական ունակությունների բացահայտում և զարգացում
  • երաժշտական մտածողության,  ճաշակի, երաժշտարվեստի զարգացում
  • գեղարվեստական մտածողության ձևավորում և զարգացում
  • մշակույթի յուրացում
  • ընդհանուր  զարգացման ապահովում
  • ստեղծագործական երևակայության զարգացում

3. Արդյունքը

  • ազգային, հոգևոր և դասական նյութի յուրացում
  • ինտոնացիոն մաքուր երգեցողության մշակում
  • երաժշտական ունակությունների զարգացում
  • բազմաձայն կատարում
  • անսամբլային կատարման յուրացում, տիրապետում
  • վոկալ երգեցողություն

— ձայնի դրվածք,
— շնչառություն,
— բազմաձայն երգեցողություն,
— երաժշտական լսողություն,
— երաժշտական հիշողություն

  • երգի կատարողական գրագիտության և կուլտուրայի մշակում,
  • երգի կերպարային զգացողություն,
  • ճիշտ շնչառություն:

«Սեբաստացիներ» մանկական երգչախմբի 2018 – 2019 ուստարվա օրացույց

Շուրջտարյա նախագծեր —  Հայ-վրացական հանրակրթական կամուրջներ
Ուսումնական պատարագ
Սեպտեմբերի 24 — հոկտեմբերի 26 —  Կոմիտասյան օրեր, ազգագրական աշնանային փառատոնին՝ ազգային բազմաձայն մշակված երգերի կատարում

Նոյեմբերի  5-9՝ նախագծային ուսուցման ստուգատես. Սեբաստացու օրեր. կրթահամալիրի տոնը կրթահամալիրում — մասնակցություն

Դեկտեմբերի 3 — 28՝ մասնակցություն ամենամյա հաշվետու համերգի. Գեղարվեստը կրթահամալիրում

Հունվարի 8-25՝ մասնակցություն ազգագրական ձմեռային փառատոնի

Մարտի 25-30` մասնակցություն ազգագրական գարնանային փառատոնի

Ապրիլի 8 — 14՝ վրացերենի օրեր կրթահամալիրում. «Հանրակրթական կամուրջներ» նախագծերի ստուգատես

Մայիսի 29 — հունիսի 14՝ ամենամյա բաց հանրակրթական ստուգատես-փառատոներ.
Երաժշտական փառատոն. «Գեղարվեստը կրթահամալիրում». ամենամյա հաշվետու համերգներ — «Սեբաստացիներ» մանկական երգչախմբի  հաշվետու համերգին կներկայացվի Աշտարակի Հայորդյաց տան մանկական երգչախմբի հետ համագործակցման արդյունքը:

Երգչախմբի մասնակցության, ներկայացման օրը  ամենամսյա օրացույցը կազմելիս ժամանակին կնշվի և կներկայացվի մանկավարժության կենտրոն:

«Սեբաստացիներ» մանկական երգչախումբ – 2018 – 2019 ուստարի  

Երգչախմբի կազմը

  1. Արզումանյան Անգելինա             – Ավագ դպրոց
  2. Ադամյան Շուշան                          – Ավագ դպրոց
  3. Մարկոսյան Միլենա                     – Ավագ դպրոց
  4. Գրիգորյան Էլինա                         – Ավագ դպրոց
  5. Մամիկոնյան Նարե                       – Ավագ դպրոց
  6. Տեր-Պետրոսյան Սաթինե            – Արևմտյան դպրոց-պարտեզ
  7. Հայրապետյան Ինեսա                 – Արևմտյան դպրոց-պարտեզ
  8. Սարգսյան Հասմիկ                        – Հյուսիսային դպրոց-պարտեզ
  9. Մանվելյան Ռոման                       – Հյուսիսային դպրոց-պարտեզ
  10. Մարկոսյան Միլենա                      – թիվ 176 դպրոց
  11. Ալեքսանյան Լիլիթ                        – Արևմտյան դպրոց-պարտեզ
  12. Ֆռանգյան Ալեք                             – Արևմտյան դպրոց-պարտեզ
  13. Պողոսյան Նարեկ                          – Արևելյան դպրոց-պարտեզ
  14. Իսրայելյան Ալեքսանդր               – Արևելյան դպրոց-պարտեզ
  15. Չրաղյան Անահիտ                        – Միջին դպրոց
  16. Մկրտչյան Նինա                            – Միջին դպրոց
  17. Մկրտչյան Մառա                           – Միջին դպրոց
  18. Գրիգորյան Մինաս                         – Միջին դպրոց
  19. Գևորգյան Ալիկա                            – Արևմտյան դպրոց-պարտեզ
  20. Պետրոսյան Աննա                          – Արևմտյան դպրոց-պարտեզ

խմբավար՝ Մարինե Մկրտչյան
նվագակցող՝ Լիլիթ Առաքելյան


Оставьте комментарий

«Սեբաստացիներ» մանկական երգչախումբը «Կրթական փոխանակումներ» նախագծով ուղևորվում է Եղվարդ

IMG_3402

«Կրթական ծրագրերի փոխանակումներ» նախագծով, «Սեբաստացիներ» մանկական երգչախումբը (խմբավար՝ Մարինե Մկրտչյան), Սվետա Ճաղարյանը (Երաժշտական կենտրոնի ղեկավար), Լիլիթ Առաքելյանը (լրացուցիչ կրթություն` դաշնամուր),  Եղվարդի  թիվ 3 Հիմնական դպրոցում «Պարապմունք – համերգ» նախագծով, մայիսի 4-ին, ժամը 10-ին Մայիսյան հավաքին ընդառաջ,  ներկայացնում են. Читать далее


Оставьте комментарий

«Սուրբ Ծննդյան պատարագ» ուսումնական նախագիծ

Մխիթար Սեբաստացի կրթահամալիրի Կանթեղ պատանեկան ամսագրի  ու հայոց լեզվի դասավանդող Նունե Մովսիսյանի Սուրբ Երրորդություն եկեղեցու հետ համագործակցաբար նախաձեռնած «Սուրբ Ծննդյան պատարագ» կրթական ծրագիրը  իրականացվեց դեկտեմբերի 23-ին կրթահամալիրի համերգասրահում, որի մասնակիցներն էին «Սեբաստացիներ» ուսուցչական, պատանեկան, մանկական երգչախմբերը, դասավանդողների վոկալ համույթը:

Читать далее


Оставьте комментарий

«Ծննդյան Սուրբ Պատարագ» պարապմունք համերգասրահում

img_4078

Դեկտեմբերի 23-ին` ժամը 15.15 «Սեբաստացիներ» համերգասրահում տեղի կունենա կրթահամալիրի պատանեկան «Կանթեղ» հոգևոր-քրիստոնեական կայքէջի խմբագրության, դասավանդող Նունե Մովսիսյանի նախաձեռնած «Սուրբ Ծննդյան պատարագ» ուսումնական նախագիծ-համերգը:

Այսօր փորձնական պարապմունքն էր Համերգասրահում: Читать далее