«Սեբաստացիներ» մանկական երգչախումբ

«Մխիթար Սեբաստացի» կրթահամալիր


Оставьте комментарий

Լիլիթ և Եվա Ալեքսանյանների տպավորությունները երաժշտա — ծիսական ճամբարից

img_0022

«Անձրևաբեր ծեսը «Մխիթար Սեբաստացի» կրթահամալիրում» նախագծով «Սեբաստացիներ» մանկական երգչախմբի 4 փոքրիկ երգիչներ նախագծային խմբի հետ մեկնեցին Սևան, որտեղ խաղացին և իրականացրեցին ծեսը: Իրենց տպավորություններն են ներկայացնում Լիլիթ և Եվա Ալեքսանյանները:

Լիլիթ Ալեքսանյան — 7 տարեկան

Երկու տարի առաջ տատիկիս հետ եկանք Սևան, ես անձրևաբեր Նուրին էի: Ջուրը կապույտ էր, շա՜տ մաքուր էր, մենք լողանում էինք: Հիմա չէինք կարողանում լողանալ, որովհետև ջուրը կանաչ էր, բայց շատ ուրախ էր, ես լավ ընկերներ ունեի: Մենք օգնում էինք մեծերին, հավաքում էինք աղբը, ամեն ուտելուց հետո լվանում էինք մեր ափսեները: Պատրաստեցինք Նուրիի, Պուպլատիկինի ու Բուկլե Բարանի տիկնիկներ, սովորեցինք երգերը: Այս անգամ Պուպլատիկինը ես էի, իսկ Եվան Նուրին էր: Եվան իմ քույրիկն է, շատ լավ է երգում, բայց շուտ խռովում է: Ես ու Եվան երգում ենք տատիկիս երգչախմբում, մեր երգչախմբից երկու քույրիկներ կային՝ Անին ու Նարեն: Ամբողջ օրը մենք խաղում էինք իրար հետ: Մեծ տղաներ ու աղջիկներ կային, իրենք ինձ սիրում էին, խաղում էին ինձ հետ:  Մենք խաղացինք Նուրին ու Պուպլատիկինը, մտանք ջրի մեջ ու ջրի հետ խաղացինք, մի քիչ լողացանք ու դուրս ելանք: Ես էլի եմ ուզում Սևան գալ, այստեղ շա՜տ ուրախ է: Հետաքրքիր էր, որ ջուրը համ կանաչ էր դառնում, համ՝ կապույտ:

Եվա Ալեքսանյան — 5 տարեկան

Որ ես գնացել էի Սևան, տեսել էի գոռտ (գորտ) ու քամելիոն ավազի մեջ: Էդ ոնց է լինում, որ մի տեղ կանգնում է, գույն է լինում իրան: Գորտերը շատ լավն էին, գորտերը որտև (որովհետև) ոչ մեկին չէին կծում: Էնտեղ լավ էր, ավազով խաղում էինք, ամենալավը բահն էր, ես իրանով ավազ էի փորում: Լավ էր, որ քնում էինք պալատկայի (վրանի) մեջ, ես մտնում էի քնապարկի մեջ, շատ տաք էր, ես չէի մրսում: Ինձի դուր էկավ, որ ես Նուրին էի ու հագել էի մամայիս կարած շորը: Համ էլ լավ էր, որ կերանք գրեչկա ու սասիսկի (նրբերշիկ), ու ես ափսե էի լվանում: Էնտեղ լավ էր, որ ես խաղում էի Լիլիթի հետ, մեկ էլ քուրիկների հետ: Ու մեկ էլ դուրըս գալիս էր (ինձ դուր էր գալիս), որ ջրի մեջ փայտի վրա սարքած (պատրաստած) էն տիկնիկներն էինք գցում ու ջրին ծափ էինք տալիս ու էս կողմ էինք գցում ջուրը, անձրև էինք անում:


Оставьте комментарий

«Գեղարվեստը կրթահամալիրում» ամենամյա հաշվետու համերգ-ցուցադրություն-ներկայացում Աշտարակում

«Սեբաստացիներ» մանկական երգչախումբը «Գեղարվեստը կրթահամալիրում»  ամենամյա հաշվետու համերգ-ցուցադրություն-ներկայացմանը սիրով ներկայացրեց Ստ. Լուսիկյանի «Ծաղկող հասակ» ստեղծագործությունը:  Համագործակցելով Աշտարակի Հայորդյաց տան երգչախմբի հետ, միացյալ կատարեց նաև  Ստ. Լուսիկյանի «Նոր Հայաստան» ստեղծագործությունը: Читать далее


Оставьте комментарий

«Սեբաստացիներ» մանկական երգչախումբը Աշտարակում

Դեկտեմբերի 11-ին «Սեբաստացիներ» մանկական երգչախումբը այցելեց Աշտարակ՝ հայրենագիտական քայլարշավով, հայորդյաց տուն՝ սովորող-սովորեցնող նախագծով։
Աշտարակը միշտ հյուրընկալ է, հարուստ՝ եկեղեցիներով, և նույնիսկ միայն եկեղեցիների պատմության ուսումնասիրությունը, ծանոթությունը այնքան հարուստ է, ուսանելի, հետաքրքիր, այնքան տեղեկատվություն է հաղորդում ազգային մշակութային դաշտից:
Հայորդյաց տան սաների հետ սահուն ստացվեց համատեղ երգեցողությունը, որի միջոցով էլ՝ ծանոթությունը: Երկու կողմն էլ սիրով, լավ տրամադրությամբ արդյունավետ աշխատեց: Միշտ էլ միմյանցից սովորելու, սովորեցնելու նյութ կա, կարևորը՝ ճիշտ համագործակցությունն է և բարի տրամադրվածությունը: «Սեբաստացիներ» մանկական երգչախումբի երգիչները Աշտարակի Հայորդյաց տան երգչախմբի երգիչների հետ փորձեցին միասնական կատարման համար նախատեսված Ստ. Լուսիկյանի «Նոր Հայաստան» երգը, կարողացան ձուլվել և դառնալ միասնական «երգող գործիք»: Ապա ուսուցանեցինք «Հակաբացիլ Կոմիտաս» նախագային երգերը, որոնք շատ արագ յուրացրեցին մեր աշտարակցի գործընկեր երգիչները:  Մենք տպավորված ենք:


Оставьте комментарий

«Կոմիտասյան օրեր» նախագծի ամփոփում Կոմիտասով, պարերգով Մաշտոցին այցի

Ճամփորդությամբ ուսուցում

«Կոմիտասյան օրեր» նախագծի ամփոփում Կոմիտասով, պարերգով Մաշտոցին այցի

Читать далее


Оставьте комментарий

«Սեբաստացիներ» մանկական երգչախումբը «Կրթական փոխանակումներ» նախագծով Եղվարդում

«Սեբաստացիներ» մանկական երգչախումբը, Երաժշտության կենտրոնը (կենտրոնի ղեկավար՝ Սվետա Ճաղարյան) «Կրթական փոխանակումներ» նախագծով մայիսի 4-ին Եղվարդի (Կոտայքի մարզ) թիվ 3 Հիմնական դպրոցում ներկայացրեցին լրացուցիչ կրթությունը «Մխիթար Սեբաստացի» կրթահամալիրում, «Հակաբացիլ Կոմիտաս» նախագիծը, երաժշտության հեղինակային ծրագրերը: Երգչախումբը կատարեց հոգևոր գործեր Սուրբ Աստվածածին (14-րդ դար), և Բազիլիկ (5-րդ դար, խոնարհված) եկեղեցիներում: Читать далее


Оставьте комментарий

«Սեբաստացիներ» մանկական երգչախումբը «Կրթական փոխանակումներ» նախագծով ուղևորվում է Եղվարդ

IMG_3402

«Կրթական ծրագրերի փոխանակումներ» նախագծով, «Սեբաստացիներ» մանկական երգչախումբը (խմբավար՝ Մարինե Մկրտչյան), Սվետա Ճաղարյանը (Երաժշտական կենտրոնի ղեկավար), Լիլիթ Առաքելյանը (լրացուցիչ կրթություն` դաշնամուր),  Եղվարդի  թիվ 3 Հիմնական դպրոցում «Պարապմունք – համերգ» նախագծով, մայիսի 4-ին, ժամը 10-ին Մայիսյան հավաքին ընդառաջ,  ներկայացնում են. Читать далее


Оставьте комментарий

Կրթամշակութային, հայրենագիտական ճամփորդություն Սևան՝ «Ժայռ» ճամբար

Երբ մարդը երգի մեջ է, հեշտությամբ կարողանում է միանալ իր նմաններին ու օրը, կյանքը դարձնել տոն այնպես, ինչպես դա արեցին «Սեբաստացիներ» մանկական և ուսուցչական երգեցիկ խմբերի երգիչները: Շնորհակալ եմ ձեր պարգևած օրվա համար, սիրելիներս: