Մարտ ամսվա աշխատանքների արդյունքում երգչախումբն ունի ձայնամասերի ինքնուրույն կատարման որակական աճ: Յուրացվել են ոչ միայն երգերը, այլև ազգային խաղերը:
Ապրիլ
Պարապմունքների օր, ժամ՝ երկուշաբթի, հինգշաբթի, ժամը՝ 15.30 — 1, 5, 8, 12, 15, 19, 22, 26, 29
Պարապմունքի վայրը՝ Մայր դպրոց, երգի սրահ
Ներկայանում են «Սեբաստացիներ» մանկական երգչախմբի երգիչները. Մերի Ներսիսյան, Մատինյան Նազելի, Բաղմանյան Կարինե, Աբգարյան Մոնիկա, Աբգարյան Լիզա, Հովհաննիսյան Գայանե
Բոլորն էլ 162 դպրոցի սովորողներ են:
Ներկայանում են «Սեբաստացիներ» մանկական երգչախմբի երգիչները. Նատալի Գրիգորյան, Մերի Ներսիսյան
Նատալին կրթահամալիրի Արևելյան դպրոցի սովորող է, երգչախումբ է եկել դեկտեմբերից: Աշխատասեր է, լուրջ է մոտենում իր գործին, ձգտող է: Եթե շարունակի նույն ոգևորությմբ աշխատել, լավ արդյունքի կասնի:
Մերին երգչախումբ է եկել այս ուսումնական տարի, մինչ այդ երգել է այլ երգչախմբում, կարողանում է ոչ միայն ինքնուրույն երգել, այլև օգնել ինչպես իր, այնպես էլ մյուս ձայնամասերը երգողներին: Սա առաջին դեպքն է, երբ մեզ մոտ է գալիս արդեն հմուտ երգիչ: Սիրալիր է, անտրտունջ, սիրով օգնում է բոլորին:
Ներկայանում են «Սեբաստացիներ» մանկական երգչախմբի երգիչներ, իմ հավատարիմ զինակիցներ Կարեն Մարգարյանն ու Աննա Պետրոսյանը
«Սեբաստացիներ» մանկական երգչախմբի փորձերից, հայկական ժողովրդական երգ «Կռունկ, ծափ տուր ու թռի»
Այս տարի երգչախմբի կազմը հիմնականում նոր է: Դա նշանակում է, որ տանող ձայներն անչափ քիչ են: Ո՞վ է տանող ձայնը. լավ փորձ ունեցող, ինքնուրույն բազմաձայն երգելու կարողություն ունեցողը, ով իր կատարմամբ օգնում է նորեկներին կամ իրենց ձայնամասն ինքնուրույն երգել դժվարությամբ կատարողներին: Սովորաբար, մեզ մոտ հենց դառնում են այդպիսին, արդեն հայտնվում են Միջին, ապա Ավագ դպրոցների երգչախմբերում, որտեղ գերադասում են իրենց ունակությունները դրսևորել երաժշտության այն ժանրում, որն իրենք գերադասում են: Բայց, լինում են բացառություններ, երբ գիտակցելով, որ իրենց օգնության կարիքն ունեն մեր փոքրիկ (սկսած 5 տարեկանից) երգիչները, չեն լքում երգչախումբը, մնում են և սիրով օգնում:
Ներկայացված կատարումը իրականացվել է առանց տանող ձայների, այսինքն, իմ սիրելի փոքրիկ երգիչները արդեն կարողանում են բազմաձայն երգել՝ ինքնուրույն կատարելով իրենց ձայնամասը:
«Սեբաստացիներ» մանկական երգչախումբը շաբաթօրյա փոքր կազմով՝ գարնանային «Ձոն» տրամադրությամբ
Գարու՜ն է, գարնանային է մեր տրամադրությունը, փոխանցում ենք այն բոլորին…
Գիտե՞ք, որ գարուն է արդեն,
Բոլորը թափվել են փողոց,
Լսու՞մ եք անուշ մի զնգոց –
Գիտե՞ք, որ գարուն է արդեն,
Դյութում են շրթերը վարդե,
Սրտերը կրակ են ու բոց –
Գիտե՞ք, որ գարուն է արդեն,
Բոլորը թափվել են փողոց: Ե. Չարենց
«Սեբաստացիներ» մանկական երգչախումբ. Լիլիթ, Եվա, Սոնա Ալեքսանյաններ
Ընտանեկան զույգին միացավ ամենափոքր քույրիկը, և դուետը դարձավ տրիո: Գարունն էլ իր խայտանքը փոխանցեց, և ներսում առկայծող բոցն ալիքվեց: Հովհաննես Թումանյանի «Ուլունք» բանաստեղծությունն էլ երգով ազդարարեց՝ գարու՜ն է եկել ամպերով:
