Նախագիծ. «Երգչախումբը՝ երաժշտական ունակությունների զարգացման միջավայր»

«Սեբաստացիներ» մանկական երգչախումբ

Նախագիծ. «Երգչախումբը՝ երաժշտական ունակությունների զարգացման միջավայր»

Նախագիծ. «Դասարանական երգչախմբերի համագործակցությունը՝ խմբերգային բազմաձայն համատեղ երգեցողության արդյունավետ միջոց»

Նախագիծ. «Դասարանական երգչախմբերի համագործակցությունը՝ խմբերգային բազմաձայն համատեղ երգեցողության արդյունավետ միջոց»  

«Սեբաստացիներ» մանկական երգչախումբը, լինելով նախաձեռնող կողմ, իր ձայների շուրջն է հավաքում Կրտսեր, Միջին դպրոցների հանրակրթական դասարանական, դպրոցական երգչախմբերի ենթաձայներին:

Նպատակ

Համագործակցելով Կրտսեր, Միջին դպրոցների երաժշտության դասավանդողների հետ, իրականացնել հանրակրթական դասարանական, դպրոցական երգչախմբերի բազմաձայն համատեղ երգեցողություն:

Խնդիրներ

• կազմել պարտիտուրա
• բաժանել ձայնամասերն՝ ըստ դպրոցների
• երաժիշտ դասավանդողների հետ աշխատել երգող խմբերի հետ
• կատարել մասնակի, ապա՝ ընդհանուր փորձեր

Ընթացք

Ընտրել ընդհանուր թեմային համապատասխան ազգային երգեր, խաղերգեր, աշխատանքային երգեր: Բազմաձայնեցնել՝ ստեղծելով ազգային երգին համապատասխան ձայնամասերով եռաձայն, քառաձայն  պարտիտուրա: Քննարկելով երաժշտության դասավանդողների հետ, անհրաժեշտության դեպքում կատարել փոփոխություն, ապա նրանց տրամադրել պարտիտուրան, երգերի խոսքերը: Յուրաքանչյուր երգեցիկ խումբ յուրացնում է իր ձայնամասը (ձայնամասերը), կատարվում են համատեղ փորձեր, որոնց ընթացքում հանրակրթական երգչախմբերը

• ձեռք են բերում բազմաձայն երգեցողության ունակություն, հմտություն,
• անսամբլային կատարման յուրացում, տիրապետում

Բացի ազգային երգերից, նույն սկզբունքով կատարվում են հայտնի երգահանների դասական, մանկական բազմաձայն երգեր: Դպրոցական երգչախմբերին տրամադրվում է համապատասխան ձայնամաս: Ձայնամասերը յուրացնելուց հետո կատարվում են համատեղ փորձեր:

Որպես կազմակերպիչ, կարող է հանդես գալ յուրաքանչյուր դպրոցական երգչախումբ: Խմբավարը, բնականաբար տվյալ դպրոցի երաժշտության դասավանդողն է:

Արդյունք

Վերջնարդյունքը ներկայացվում է միացյալ կատարումով՝ նախագծային երաժշտական ներկայացման տեսքով: